Ibn Hazmi

Shërimi i shpirtrave

Përktheu:

Nexhat Ibrahimi

Naxhi Ibrahimi

Zëri islam

Prizren, 2000

Titulli i origjinalit:

IBN HAZM EL – ENDELUSI

MUDAWAT ‘UN-NUFUS WE TEHDHIB

‘UN-NUFUS WE ‘Z-ZUHDU FI ‘RR-RREZAIL

Titulli në boshnjakishte: LJEČENJE DUŠA

(Odgajanje duša i suzdržavanje od poroka), Sarajevë, 1989, fq. 80. 

Botues - ©  Zëri islam, Prizren, 2000.

Ibn Hazmi

Shërimi i shpirtrave

بسم الله الرحمن الرحيم   

Në emër të All-llahut, të Gjithëmëshirshmit, Mëshirëplotit!

Zoti im, lehtësoje, o Bujar!

Hyrje – parathënie

Ebu Muhammed ibn Ali ibn Ahmed ibn Seid ibn Hazmi, jurist sheri’ati nga Endelusi, All-llahu e përshkoftë me mëshirën e Vet, thotë: - Falënderimi i qoftë All-llahut në mirësitë dhe dhuratat e panumërta! Bekimi i All-llahut qoftë mbi Muhammedin i cili është shërbëtor i Tij dhe vulë e felajmëruesve dhe Të dërguarve të Tij! I mbështetem të Madhëruarit duke pranuar se jam pa pushtet dhe fuqi, andaj lusë prej Tij ndihmë që të më mbrojë nga të gjitha frikat dhe gjërat e pakëndshme në këtë botë, e që në atë botë të më nxjerrë nga çdo frikë dhe vështirësi!

Unë në këtë libër kam tubuar shumë mendime që gjatë kohës dhe ndryshimeve gjendjeve të saj m’i ka dhuruar Dhuruesi i mençurisë, duke më mundësuar të kuptuarit e ndërrimeve të fatit dhe të kundruarit e manifestimeve të tij. Në këtë kam shpenzuar pjesën më të madhe të jetës sime, duke i dhënë gjithnjë përparësi grumbullimit të tyre me anë të leximit dhe përsiatjes ndaj të gjitha kënaqësive tjera drejt të cilave synojnë shumica e njerëzve dhe ndaj grumbullimit të pasurisë. Njëkohësisht në këtë libër kam bërë çdo gjë që nga kjo e kam kuptuar që All-llahu xhel-le shanuhu të mundësojë që atë ta përdorë çdonjëri të cilin e zgjodhi nga robërit e Vet, e deri te i cili ai vjen. Gjatë përpilimit të tij shpirtin tim e kam lodhur dhe kam dhënë angazhim maksimal, sepse gjatë kohë vetëm me të kam qenë i preokupuar andaj lexuesi le ta pranojë me vullnet të mirë. Unë këtë atij në këtë mënyrë edhe ia kushtoj. E kur ta studiojë mirë dhe All-llahu xh.sh. të mundësojë që atë ta përdorë, do të bindet se kjo është më e mirë nga çdo thesar pasurie dhe çdo pasuri tjetër. Unë për gjithë këtë shpresoj në shpërblimin më të madh te i Lartësuari, sepse qëllimi im ka qenë ta bëjë atë me çka do të shërbeheshin robërit e Zotit dhe që do të përmirësojë atë që në mirësjelljen e tyre morale është prishur dhe do t’i shërojë sëmundjet e shpirtrave të tyre.

Në tërë këtë unë vetëm All-llahun e ftoj në ndihmë!