Letër e hapur drejtuar Europarlamentarit Lorenzo Fontana

Me dhimbje po e citoj “...dhe do të ishte jo normale të sillnim në Europë një vend me shumicë myslimane...”

Ju udhëhiqeni nga një pamje e gabuar për botën dhe kjo të çon vetëm drejt katastrofës!

Më lejoni të parashtroj vetëm disa pasazhe mbi atë se çfarë do të thotë :


                                             TE JESH MYSLIMAN


- të jesh mysliman do të thotë të dish se fyerjet janë argumentet e atyre që nuk kanë të drejtë

- të jesh mysliman do të thotë të jesh njeri i natyrshëm , me zemër të sinqertë dhe mendje të shëndoshë

-të jesh mysliman do të thotë të dish se duhet force për të qënë i përmbajtur, por mbi të gjitha duhet forcë për të përmbajtur gjuhën

- të jesh mysliman do të thotë të dish se tri gjëra nuk mund të kthehen mbrapsht: fjala e thënë, shigjeta e lëshuar dhe e kaluara

-të jesh mysliman do të thotë të dish se dashuria e mund vdekjen, por një shprehje sado e vogël e keqe e mund dashurinë

-të jesh mysliman do të thotë të jesh i paisur me vyrtytet dhe cilësitë më të larta, të jesh para së gjithash njeri për vete dhe krah i fortë  dhe konstruktiv i mesit ku jeton dhe punon

- të jesh mysliman do të thotë të dënosh të keqen,  të lartësosh  të drejtën dhe të vërtetën

- të jesh mysliman do të thotë të respektosh lirinë e mendjes dhe të kufizosh lirinë e epshit

-të jesh mysliman do të thotë t’i largohesh errësirës dhe injorancës , t’i afrohesh dritës dhe diturisë

- të jesh mysliman do të thotë të ecësh në rrugën e drejtë: humanizmi dhe  emancipimi, prosperiteti e  progresi individual dhe shoqëror

-të jesh mysliman do të thotë të zbulosh natyrën dhe ligjet e saj dhe të qeverisësh vetveten dhe realitetin objektiv, i vetëdijshëm për përgjegjësitë e veta në këtë realitet.

-të jesh mysliman do të thotë të pohosh se të gjitha orientimet, bindjet,  përkatësitë e ndryshme fisnore, kombëtare, ekonomike, fetare , politike etj. janë  vetëm pasurim i realitetit dhe i afirmimit

- të jesh mysliman do të thotë të jesh simbol i afrimit dhe ndihmës ndërnjerëzore, duke mos bërë dallime në aspektin e përkatësisë  ideologjike, nacionale apo konfesionale të popujve të ndryshëm të botës.

- të jesh mysliman do të thotë të ecësh drejt një zhvillimi dhe përparimi të vazhdueshëm njerëzor, duke u larguar nga veprat e këqia

- të jesh mysliman do të thotë të kesh bindjen se të gjithë njerëzit, të drejtat e tyre themelore i kanë të barabarta, i realizojnë sipas nevojës edhe me anë të instrumenteve dhe institucioneve shoqërore

- të jesh mysliman do të thotë të gëzosh përkrahjen dhe mirëkuptimin e ndërsjellë  njerëzor në mjedisin shoqëror duke bërë vetëm vepra të mira

- të jesh mysliman do të thotë të jesh i bindur se të gjthë njerëzit kanë të drejta të pacënueshme për jetë, për liri, për punë, për të gëzuar  të mirat materiale dhe shpirtërore

- të jesh mysliman do të thotë të jesh i bindur se mohimi i këtyre të drejtave konsiderohet sulm kundër integritetit të njeriut si individ në veçanti dhe të bashkësisë njerëzore në përgjithësi

- të jesh mysliman do të thotë të jesh i urtë, i ditur , i arsimuar , i përmbajtur , i thjeshtë

- të jesh mysliman do të thotë të fisnikërosh marrëdhënit ndërnjerëzore dhe ndërvllazërore ndërmjet popujve

- të jesh mysliman do të thotë të shfrytëzosh aftësitë e tua mendore si arsyetimin, reflektimin, thellimin, kritikën, vlerësimin

- të jesh mysliman do të thotë të jesh i mbrujtur me standarte të tilla morale siç janë çiltërsia, dlirësia, ndershmëria, respekti, dhembshuria, dashuria dhe ndihma

- të jesh mysliman do të thotë të përmbahesh nga alkooli, kumari, tradhtia bashkëshortore dhe prostitucioni, vjedhja, mashtrimi dhe rrugët e padrejta të të jetuari

- të jesh mysliman do të thotë të jesh dashamirës, tolerant, mëndjehapur, zemërgjërë, i mëshirshëm,  serioz në punë dhe paqësor

- të jesh myslimane do të thotë të vishesh në mënyrë dinjitoze ( ashtu siç në Perëndim janë fustanet e mbrëmjes)

-të jesh mysliman do të thotë të mos i bësh padrejtësi askujt dhe të mos lejosh të të bëhet padrejtësi nga të tjerët

-të jesh mysliman do të thotë t’i duash të mirën çdo njeriu dhe rrjedhimisht mbarë njerëzimit

- të jesh mysliman do të thotë të lutesh që pasuria të jetë në durt  e tua dhe jo në zemrën tënde

- të jesh mysliman do të thotë të dish që gabimi është vetë ndëshkimi

- të jesh mysliman do të thotë  të dish të përqëndrohesh tek zgjidhja e problemit dhe jo tek vetë problemi

- të jesh mysliman do të thotë të provosh dhe të pohosh se vërtetë nuk ka gjë më të bukur, kur gjuha dhe zemra janë të pastra

- të jesh mysliman do të thotë të shpërblesh, të sfidosh, por edhe të ndëshkosh veten

-të jesh mysliman do të thotë të jesh i vetëpërmbajtur, të kontrollosh nevojat dhe dëshirat dhe jo të bëhesh rob i tyre

- të jesh mysliman do të thotë të zbatosh disiplinën më rigoroze shpirtërore, që të çliron nga egoizmi

  -të jesh mysliman do të thotë të disiplinosh gjuhën dhe zemrën, të mos gabosh

- të jesh mysliman do të thotë të  adhurosh dijen ,sepse zotërimi i saj të bën të dallosh të mirën nga e keqja

- të jesh mysliman do të thotë të pranosh se  jeta mund të kuptohet  vetëm duke hedhur vështrimin pas, por duhet të jetohet duke shikuar përpara

- të jesh mysliman do të thotë të  kujtosh vazhdimisht se thelbi yt është ai që vlen vërtet dhe që tregon vlerat e tua reale

- të jesh mysliman do të thotë të ndjesh  pendimin

-të jesh mysliman do të thotë të dish se atë që arrin gjuha nuk e arrin dora

- të jesh mysliman do të thotë të dish se zjarri i përçarjes është më i keq se zjarri i skëterrës

- të jesh mysliman do të thotë të  ruhesh nga dija e padobishme, nga zemra që nuk druhet, nga shpirti i pangopur

- të jesh mysliman do të thotë të dish se të ushtruarit e trupit është lëvizje, zemra dhe shpirti mendojnë dhe kontrollojnë

-të jesh mysliman do të thotë të pranosh se të mbijetuarit e vlerave  qytetëruese varen nga mbijetesa e ndjenjës së thellë për të shenjtën, e cila e ka vendin në zemrat tona

- të jesh mysliman do të thotë të dish se jeton vërtetë vetëm ai që  në çdo çast përpiqet të ndryshojë gjendjen  e tij të pergjithshme për së  miri

- të jesh mysliman do të thotë të dish se njeriun e bëjnë të lumtur madhështia shpirtërore dhe pasuria mendore

- të jesh mysliman do të thotë të dish se sa më shumë kemi , aq më pak jemi

- të jesh mysliman do të thotë të dish se moderniteti nuk na e ka shëruar dhimbjen, thjesht na ka tharë lotët

-të jesh mysliman do të thotë të dish se çdo njeri është peng i veprave të veta

- të jesh mysliman do të thotë të mos harrosh se pasojat e moskujdesit dhe nënçmimit janë të rënda

- të jesh mysliman do të thotë të dish se në trup ndodhet një copë mishi, e cila po u rregullua, i gjithë trupi rregullohet dhe po u prish , i gjithë trupi prishet. Ajo është zemra

-të jesh mysliman do të thotë të dish se  njerëzit më të mirë, janë ata që janë të dobishëm për të tjerët

- të jesh mysliman do të thotë të dish se ndjekja e epshit, koprracia dhe të pëlqyerit e vetvetes janë shkatërrimtare

- të jesh mysliman do të thotë të dish se  shëmtia mund të pajtohet me shthurjen, kurse bukuria vetëm me pastërtinë dhe pafajësinë

-të jesh mysliman do të thotë të mos mbivlerësosh fizionominë dhe veshjet e bukura, por qëllimin e zemrës dhe veprat e mira

-të jesh mysliman do të thotë të pohosh se durimi është forcë dhe  sinqeriteti është fuqi

-të jesh mysliman do të thotë të dish se ajo që  ne e quajmë “mëndje”, gjendet në  qendër të zemrës dhe orienton trurin për të kryer detyrat e tij

-të jesh mysliman do të thotë të dish se egoizmi është këshilltari më i keq, se asgjë nuk na robëron më shumë se veset tona

- të jesh mysliman do të thotë të dish se krenaria e pamasë është maskë e një shpirti bosh, se atje ku hyn ambicja nuk ka vend çiltërsia

- të jesh mysliman do të thotë të shpëlash zemrën me vetëpërmbajtje nga gjërat e ndaluara dhe të dyshimta

- të jesh mysliman do të thotë të largohesh nga lakmia dhe pangopësia

- të jesh mysliman do të thotë të dish se puna na largon tri të këqia të mëdha: mërzinë , vesin dhe nevojën

- të jesh mysliman do të thotë të  dish se detyra më e rëndësishme e qytetërimit është të mësojë njeriun të mendojë

- të jesh mysliman do të thotë të dish se ai që i kufizon dëshirat e veta është gjithnjë mjaft i pasur

-të jesh mysliman do të thotë të pranosh se të mbijetuarit e vlerave qytetëruese varen nga mbijetesa e ndjenjës së thellë për të shenjtën, e cila e ka vendin në zemrat tona.

I rikëthehem akoma më dhimbshëm citimit tuaj ’’…do të ishte jo normale të sillnim në Europë  një vend me shumicë myslimane...’’

Mendoj se jini duke rënë në një grackë të tmerrshme arrogante kur mendoni se me ‘modernizimin’ në vendet e tjera nënkuptoni se ata duhet të jenë  sikurse ju.

 Ju rekomandoj t’i lexoni romanet dhe tregimet më në zë të Dostojevskit të përkëthyera në gjuhën italiane, sepse  qëllimi i tyre është t’i tregojë Perëndimit se sa i djallëzuar bëhet njeriu, kur largohet nga besimi në Zot.

Uroj që idetë islamofobike të shlyhen nga mendja juaj! Mjkmi mëefikas kunder sëmundjes raciste të të menduarit është Haxhi.

                                                           Po e përfundoj me lutjen:

Nëse nuk  mundemi të sillemi mirë të paktën të mos lëndojmë  dhe nëse nuk mundemi të gëzojmë të paktën mos hidhërojmë!

 Me dhimbje të sinqertë
 Alba  Shqipe

RSS per kategorine Lajme Shfletuesi i Kur'anit

  • RSS per kategorine Lajme