Zeri Islam

Pyetja:

Tek ne janë paraqitur shumë njerëz të cilët i ngrënë duart dhe i përmbahen një hadithi të Pejgamberit a.s., gjoja pas ngritjes nga sexhdja i ka ngritur duart dhe me rastin e rënies në sexhde po këtë e ka bërë. A është ky hadith sahih?

Përgjigjja:

Ekzistojnë hadithe që tregojnë në ngritjen e duarve ndërmjet sexhedeve:

- Nga Malik ibn Huvejrithi r.a. transmetohet se ka thënë: E kam parë Pejgamberin e Zotit se i ka ngritur duart në namazin e tij: kur shkonte ne ruku` dhe kur kthehej nga rukuja, edhe kur e bënte sexhden dhe kur kthehej nga sexhdeja deri sa nuk i nivelizonte me veshët.” ^[1] 

Nga Enesi r.a. transmetohet: “Pejgamberi a.s. i ka ngritur duart në ruku dhe nmë sexhde.” ^[2]  

Nga Omeri r.a. transmetohet: “Pejgamberi a.s. i ka ngritur duart gjatë tekbirit për ruku` dhe te tekbiri kur binte ne sexhde.” ^[3]

Mirëpo, ngritja e duarve ndërmjet sexhdeve është e papranueshme për juristët myslimanë, si për shkak të ekzistimit të haditheve të shumta sahih në të cilët përmendet ngritja e duarve nuk përmendet ngritja ndërmjet dy sexhdeve, si për shkak të hadithit e të cilin e shënojnë Imam Buhariu dhe Imam Muslimi në Sahihët e tyre:

Nga Ibn Omeri r.a. transmetohet se ka thënë: “E kam parë Pejgamberin a.s. se i ka ngritur duart në nivel të supeve kur e fillonte namazin dhe para se të bënte ruku` dhe pas rukuit dhe nuk i ka ngritur ndërmjet dy sexhdeve.” ^[4]

Sa i përket ngritjes së duarve me rastin e tekbirit për ruku` dhe pas rukuit dhe ai është shfuqizuar me hadithin e njohur të cilin e shënon Imam Muslimi në Sahihun e tij.

Nga Xhabiri r.a. transmetohet se ka thënë: “Na erdhi Pejgamberi a.s. dhe na tha: “Ç’keni kështu që po ju shoh se si bëni (tundoni) me duar sikur janë bishtat e kuajve të tërbuar.” Qetësohuni në namaz!” ^[5]