Zeri Islam

Një intelektual nga Afrika e Veriut në një intervistë me autorët e librit ka thënë: "Ju, perëndimorët, na keni mësuar se si kombet mund të mbështeten në të drejtën për vetë-vendosje, në ndjekje të pavarësisë përmes Konferencës së Versajës dhe në Lidhjen e Kombeve pas Luftës së Parë Botërore. Megjithatë, konsolidimi i shtetit, rregullave kolonialiste të shteteve perëndimore mbi vendet e Botës së Tretë, duke përfshirë edhe shtetet myslimane, ka përkuar me të njëjtën periudhë. Pas Luftës së Dytë Botërore, një konflikt mahnitës ku shtetet evropiane u përpoqën për të shkatërruar njëri-tjetrin, të gjitha vendet ishin të ftuar për t'u bashkuar me Kombet e Bashkuara dhe të miratojnë Deklaratën Universale të të Drejtave të Njeriut. Megjithatë, shtetet evropiane kanë shkelur përsëri këto të drejta dhe janë të gatshme të njohin të njëjtat të drejta në Botën e Tretë. Ata, për shembull, njohën pavarësinë e kolonive të tyre në botën arabe, vetëm pasi që një milion njerëz vdiqën në Algjeri".

I Intervistuari më tej deklaroi: "Algjeria nuk bëhet shtet i pavarur deri në vitin 1962, 14 vjet pas Deklaratës Universale. Kolonitë e mbajtura nga Portugalia mbetën nën kontrollin e saj deri në vitin 1970. Shtetet muslimane në Azinë Qendrore qëndruan të varura nga Bashkimi Sovjetik deri në vitin 1991. Popujt Afrikës së Jugut ende presin pavarësinë".

Megjithatë, ai tha: "Çfarë do të thoni ju në lidhje me përpjekjet perëndimore për të protestuar në emër të vlerave universale? Ju keni tentuar për të na përfshirë në përleshje dhe luftë midis perëndimorëve të bardhë dhe sovjetikëve të bardhë. Në fund, ne, si ata që kanë mbrojtur vlerat perëndimore në botën myslimane, po përballemi me kërcënime serioze dhe sfida nga fundamentalistët në shoqëritë tona. Ata na sulmojnë, sepse ne kemi përfaqësuar vlerat tuaja. Ne kemi ardhur në një pozicion të pamundur si drejtues dhe përfaqësues të Perëndimit dhe modernizimit. Ju na keni shkatërruar ne".

Çfarë i tha dy autorëve të këtij libri intelektuali i Afrikës Veriore gjithashtu vlen edhe për intelektualët e kombeve të tjera. Intelektualët të cilët kanë promovuar dhe brendësuar më në fund vlerat perëndimore janë si vezë e lënë prapa nga perëndimorët pas tërheqjes së tyre. Regjimet politike kanë shërbyer si inkubatorë për ta. Nuk ka pasur lidhje të vërtetë mes nevojave të tyre dhe frymën e vërtetë dhe rrënjët e ambientit ku ata kanë qenë vetëm inkubatorë. Këta intelektualë dhe administratat që kanë përkrahur ata kanë mbajtur subjektet nën kontrollin indirekt të regjimeve autoritare. Kjo ka çuar në një luftë të pakuptimtë mes njerëzve, të fesë dhe të historisë së këtyre kombeve dhe administratave të tyre.

Megjithatë, perëndimorët nuk i mbajtën premtimet e tyre, ata kanë shkelur vlerat që ata i kishin favorizuar, duke i lënë vetëm elitat e perëndizuara.

Duhet theksuar se problemi i vërtetë i hasur në ish-kolonitë ose shoqëritë e tjera që kanë qenë të detyruar t'i nënshtrohen një procesi të Perëndimit apo modernizimit nuk ka qenë populli, por, problemi ka qenë klasa e intelektualëve dhe elitave të cilët kanë marrë përsipër përgjegjësinë e ndryshimit të njerëzve nën kujdesin e shtetit, si misionarë laike.

Kjo është një tragjedi e vërtetë. Këta intelektualë nuk janë në gjendje të vënë në pikëpyetje pozicionet e tyre dhe misionin e tyre të supozuar, sepse ata nuk kanë asnjë burim intelektual, akademikë apo informata tjera vetëm që të mbështeten te perëndimi. Burimet perëndimore janë pasuritë e tyre të vetme dhe një herë lidhja e tyre me këto burime është e humbur, ata do të braktisen në mes të një shkretëtire. Mjerisht, këta intelektualë nuk janë në gjendje për të gjetur energji shpirtërore dhe kurajon intelektuale të nevojshme për të shpëtuar veten dhe vendet e tyre, për të ruajtur rrënjët e tyre, sepse kjo do të thoshte mohim i asaj që është bërë identiteti i tyre. Në këtë rast "orë vendimtare", siç përcaktohet nga Marksi, një koncept që ka evoluar në "vetëvrasje të klasës" - ndodh, kur një pjesë e klasës qeverisëse ndan veten dhe bashkohet me klasën revolucionare. Këta intelektualë në fund të fundit presin mbështetjen e grusht shteteve ushtarake dhe regjimeve diktatoriale. Lindja e Mesme ka më së shumti shembuj të pafat të vetëvrasjes së klasës intelektuale. Pengesë për demokracinë në këtë rajon nuk është Islami, ose muslimanët, por janë intelektualët.