Zeri Islam

Vlen të theksohet se ky vendimi qeverisë erdhi si  rezultat i një shpërthimi vetëvrasës, i cili ndodhi në Drejtorinë e Sigurimit në provincën  Dukhalije në deltën e lumit  Nil, ku mbetën të vrarë së paku 14 veta kurse u plagosën mbi 130 të tjerë.  Për këtë akt terrorist qeveria  e fajësoi direkt  “Vëllazërinë  Myslimane”, para se të verifikojë rastin me  fakte dhe argumente. Kështu që edhe pse për këtë rast përgjegjësinë  e mori organizata “Mbështetësit e Shtëpisë së Shenjtë të Jerusalemit” ,    e cila  vepron në Sinaj. Kjo organizatë në një komunikatë për media thotë: “Vëllezërit tuaj në grupimin “Mbështetësit e Shtëpisë së Shenjtë të Jerusalemit” sulmuan Drejtorinë  e Sigurimit në Dukhalije,  e cila është kthyer në çerdhe të blasfemisë dhe mizorisë  dhe e cila ka kohë që i ka  shpallur luftë Islamit dhe myslimanëve”. Ajo u bëri thirrje oficerëve të policisë dhe ushtrisë që të “marrin mësim   nga ajo që panë në vëllezërit e tyre dhe të braktisin shërbimin”.

Në fund të komunikatës ajo u kërcënua se në ditët në vijim do të ndërmarrë aksione të këtilla kundër qeverisë së përkohshme të Egjiptit.

Ndërkohë që lëvizja “Vëllazëria  Myslimane” në faqen e vet  të internetit më  27 dhjetor 2013 doli  me një komunikatë për opinion ku  shpjegojnë pafajësinë   e vet  lidhur me veprimet e dhunshme që janë bërë apo që do të bëhen në të ardhmen.

Në komunikatën e saj  përveç tjerash thuhet: “Vëllazëria Myslimane” shpall botërisht se ajo është larg çdo dhune që veprohet tash apo do të bëhet në të ardhmen. Anëtarët e saj  ishin paqësor në të kaluarën, tash dhe shpresojmë do të jemi të tillë  edhe në të ardhmen.  Ata nuk mund ta derdhin qoftë dhe një pikë gjaku të vetme.”

Përgjegjësinë për shpërthimin e madh që ndodhi më 24 dhjetor 2013 në Drejtorinë e Sigurimit në provincën e Dughalisë në qytetin Mensura e mbajnë institucionet e sigurimit të qytetit. Aty përmendet se një  gazetar  kishte  paralajmëruar për një shpërthim të  madh, i cili  ndodhi  vetëm një ditë pas këtij paralajmërimi.

Në komunikatë po ashtu thuhet se sulmi në  qytetin  Mensura u mor si pretekst për vënien e Lëvizjes së  “Vëllazërisë Myslimane” në listën e organizatave terroriste para se   të bëhej çfarëdo  hetimi  paraprak dhe pasi që ajo e kishte  gjykuar ashpër një veprim të tillë, por edhe pasi që   grupimi i njohur me emrin  “ Mbështetësit e Shtëpisë së Shenjtë të Jerusalemit”  kishin marrë përgjegjësinë për shpërthimin e lartë përmendur”.

Qeveria në kërkim të solidaritetit

Në ndërkohë që zëvendës kryeministri i Egjiptit, Husam Isa në një prononcim për mediet egjiptiane kishte deklaruar  se qeveria e vendit të tij “do ti informojë të gjitha vendet arabe nënshkruese të marrëveshjes së luftës kundër terrorizmit që “Vëllazëria Myslimane” është organizatë terroriste,ashtu siç kërkoi prej ushtrisë ta ndihmojë policinë në mbrojtje të institucioneve vitale të shtetit si dhe t’i kundërvihet veprimeve të studentëve në universitet e Egjiptit, të cilët po përkrahin Lëvizjen “Vëllazëria Myslimane”.

Në aspektin e solidaritetit me qeverinë egjiptiane, deri më tani përveç një përkrahje  deklarative nga Arabia Saudite, nuk ka marrë   ndonjë përkrahje qoftë brenda vet botës arabe apo asaj islame. Kështu shohim një numër i konsideruar i vendeve arabe,siç janë Jordani, Iraku, Libani, Libia, Sudani  si dhe shumë vende të Gjirit ishin prononcuar kundër vendimit që kishte ndërmarrë    qeveria e përkohshme në Kajro, bile shumë prej tyre e kishin quajtur hap të ngutshëm dhe jo të menduar mirë.

Mendim të ngjashëm kanë edhe qeveritë perëndimore si dhe shumë analistë të ndryshëm qofshin ata të Perëndimit apo të Lindjes. Në fillim po përmendim qëndrimin parimor të administratës amerikane që nga fillimi i puçit që u bë ndaj presidentit egjiptian, Muhamed Mursi,i cili ishte presidenti i parë i zgjedhur nga vota e lirë  e popullit egjiptian që nga viti 1952.

Administrata amerikane në anën e “Vëllazërisë  Myslimane”

Kështu shohim se shefi i State Departamentit amerikan, Xhon  Keri, në një bisedë telefonike që kishte zhvilluar me ministrin egjiptian për Punë të  Jashtme, Nebil Fehmi kishte shprehur shqetësimin e tij  për vendimin e qeverisë së përkohshme të Egjiptit,të datës 25 dhjetor  për shpalljen e lëvizjes së “Vëllazërisë Myslimane” organizatë terroriste.

Në të njëjtën kohë, Keri insistoi nga homologu i tij egjiptian për një zgjidhje  gjithëpërfshirëse politike ku do të merrte pjesë i tërë spektri politik e vendit, ku do të respektoheshin të  drejtat njerëzore të gjithë qytetarëve, me çka do të arrihej stabiliteti politik dhe ndryshimi demokratik në vend.

Në anën tjetër një përgjegjës i lartë amerikan kishte deklaruar për media se administrata e presidentit Barak  Obama nuk e kishte studiuar e as nuk e kishte shqyrtuar mundësinë e klasifikimit të Lëvizjes “Vëllazëria Myslimane” si  organizatë terroriste.

Të njëjtin qëndrim e kishte mbajtur edhe Forin ofisi britanik, i cili kishte kundërshtuar një hap të këtillë të qeverisë së përkohshme egjiptiane. Për çka në disa media egjiptiane një hap  i këtillë kishte qenë objekt kritike.

“Independent”  kthimi në kohën e diktaturave

Shtypi britanik i bënë një vështrim  gjithëpërfshirës shpalljes së Lëvizjes së “Vëllazërisë Myslimane” organizatë terroriste nga ana e qeverisë së përkohshme egjiptiane. Kështu shohim të përditshmen britanike “Independent”, e cila në artikullin e saj me titullin: “Me shpalljen e “Vëllazërisë  Myslimane” organizatë   terroriste, gjenerali Sisi po vazhdon me diktaturat e më hershme në Egjipt”. Në fillim të shkrimit të tij analisti britanik, Robert Fisk, shkruan: “Nuk dua ta frikësoj  askënd, mirëpo pyetja që mund të shtrohet është se a do ta bëjë gjeneral Abdul Fetah Sisi me shokët e tij gjeneralë  ekzekutimin e ish-presidentit, Muhamed Mursit dhe shokëve të tij?”  Ai në këtë përgjigjet  si vijon: “Në momentin kur në Lindjen e Mesme një organizatë  shpallet  terroriste, atëherë ty të  lejohet që të vendosësh rreth qafës së anëtarëve të saj litarin e vdekjes.” Ai  pastaj shton,  meqenëse  veprimet luftarake janë bërë të ngjashme me ato të al-Kaides në Sinaj si dhe ndodhia e shpërthimit të autobusit në  Kajro, ky akt po konsiderohet komplot  i “Vëllazërisë Myslimane”, në  këtë  mënyrë pra mundet  Sisi  me shokët  e tij ta likuidojnë  Lëvizjen që ka një jetë të gjatë prej 85 vjetësh me çfarëdo mjeti që ata dëshirojnë. Ajo çka po ndodh sot në Egjipt  është e ngjashme me vërsuljen  që Xhemal Abdu Naseri ua kishte bërë “Vëllezërve  Myslimanë” në vitin 1954 pas një përpjekje atentati të dështuar që një anëtar i kësaj Lëvizje kishte  bërë  kundër tij.

Analisti,  Robert Fisk, vazhdon : Gjenerali Sisi do të dështoj në likuidimin e  “Vëllazërisë Myslimane”, kurse njëri i prej  shkaqeve kryesore të këtij dështimi  është atë që e kishin kuptuar presidentët e mëhershëm të Egjiptit: Abdu  Naseri, Sadati dhe  Mubaraku, se “Vëllezërit” janë lëvizje e korruptuar politikisht, por ata pranojnë  bisedime me regjimin ushtarak dhe kthimin në ligjshmëri.

Fisku pastaj vazhdon, Mursi ishte ai që negocioi   me Mubarakun, në ndërkohë që  bandat e regjimit të tij po  vranin   demonstruesit në sheshin Tahrir.  Mursi ishte  ai që  emëroi Abdul Fetah Sisin ministër të  mbrojtjes.

Ai po ashtu pohon se në një  të afërme të afërt  secili individ  që përkrah “Vëllazërinë  Myslimane” llogaritet “terrorist” që mund  të vritet. Kjo është e njëjta metodë që ka  përdorur  Sadati me armiqtë e tij islamikë, gjithashtu kjo ishte  metoda  që Naseri kishte përdorur ndaj tyre.

Në fund Fisku pyet: Çka po donë Sisi prej Mursit, kur  xhaxhai i vet ka qenë në lidershipin  e  “Vëllazërisë Myslimane” prej më tepër se gjysmë shekulli? Çka mund të thotë ai për klasën e mesme liberale, për të rinjtë dhe punëtorët, islamikët,  të varfëritë dhe intelektualët, të cilët të gjithë së bashku protestuan për rrëzimin e regjimit të Mubarakut?

Ai pastaj thotë se shumë njerëz i kanë duartrokitur  Sisit për eliminimin e “Vëllezërve” dhe pastrimin e Egjiptit nga  ‘shtypja’ e “Vëllezërve”.

Robert Fisku e përfundon artikullin e tij  duke shtruar këtë pyetje: A donë Egjipti të kthehet në  periudhën e Xhemal Abdu Naserit, Sadatit  dhe Mubarakut?