Zeri Islam

Harta e Botës Muslimane: e gjelbra e hapur musliman sunit; e gjelbra e mbyllur, musliman shi’it.

Unë kam lindur dhe jam rritur në Amerikë. Unë kam folur anglisht gjatë gjithë jetës sime dhe madje kam shkruar një disertacion, një libër dhe artikuj të shumtë shkencorë në anglisht. Një ditë, ndërsa po vozisja nga Nju Xhersi për në Xhorxhia, më erdhi një gomë në Virxhinia Perëndimore. I telefonova AAA-së dhe zotëria që erdhi të më ndihmonte të riparoja gomën e automjetit tim kishte një theks aq të trashë jugor sa nuk mund ta kuptoja se çfarë po thoshte. A fliste ai anglisht apo një gjuhë krejtësisht tjetër? Në fund arrita ta kuptoja dhe të riparoja e automjetit tim. Ajo që më magjepsi ishte se brenda vetëm 4 orësh, gjuha dhe kultura mund të ndryshojnë. Unë jam me origjinë nga Nju Jorku ku njerëzit rrallë buzëqeshin ose përshëndesin, dhe prej disa viteve të fundit jetoj në juglindje ku edhe të huajt pritet të përshëndesin njëri-tjetrin. Brenda Amerikës, ka kultura dhe nënkultura, vlera dhe stile jetese të ndryshme. Unë i ndaj këta shembuj për të ndihmuar lexuesin të kuptojë problemin e të folurit për botën myslimane si një entitet monolit.

Ka 1.5 miliardë muslimanë në tokë. Kjo do të thotë se pothuajse 1 nga 4 njerëzit në tokë është musliman. Myslimanët e shohin veten si një ummet ose komb. Kur'ani i përshkruan besimtarët si vëllezër, me të vërtetë besimtarët janë vëllezër (Kur'an 49:10). Ajo që i lidh këta 1.5 miliardë njerëz është besimi në një Zot, Kur'ani, dhe besimi në të gjithë Pejgamberët dhe të Dërguarit. Pavarësisht se ku janë ata të gjithë përballen me Mekën kur është koha për namaz. Ekzistojnë disa aspekte të besimit dhe ritualeve islame që i bashkojnë të gjithë muslimanët. Megjithatë, kjo nuk do të thotë se të gjithë muslimanët, apo vendet myslimane, janë të njëjtë. Kur njerëzit përmendin "botën muslimane" ata priren të nënkuptojnë se këta njerëz përbëjnë një entitet të vetëm politik dhe fetar që është e kundërta e Perëndimit.

Shpesh jepen shembuj se si "bota myslimane" shtyp gratë, nuk lejon lirinë e shprehjes dhe ka një lloj sistemi politik që shpesh është antidemokratik. Problemi me këtë është se nuk ekziston një entitet i vetëm i quajtur bota muslimane. Ka vende me shumicë muslimane dhe secila prej tyre ka një histori të ndryshme, sisteme socio-politike, vëzhgim fetar dhe institucione arsimore që i bëjnë ato unike. Të menduarit e këtyre vendeve muslimane si një vend i vetëm është një mënyrë dembele dhe e thjeshtuar e studimit të shoqërive muslimane.

Shembuj ekstremë dhe të bujshëm janë dhënë nga vende të veçanta dhe më pas shtrihen për të pasqyruar të gjitha vendet me shumicë muslimane. Shumica e jomuslimanëve janë shumë të vetëdijshëm se Arabia Saudite nuk i lejon gratë të ngasin makinën. Ata janë gjithashtu të vetëdijshëm për rastet kur ISIS u pret kokat njerëzve, apo për luftërat civile. Megjithatë, këta janë shembuj ekstremë që janë të veçantë për një rajon. Këta shembuj përdoren shpesh për të vërtetuar se sa e prapambetur është "bota myslimane". Megjithatë, shumica e njerëzve nuk e dinë se këta shembuj dhe nuk përfaqësojnë apo japin një pasqyrë të plotë të të gjitha vendeve muslimane.

Shumica e njerëzve nuk e dinë se ka pasur 13 presidente dhe kryeministra femra muslimane në vende si Pakistani, Senegali, Turqia, Indonezia dhe Singapori.[1] Megjithatë, këto raste nuk jepen kurrë si shembuj të grave që nuk janë të shtypura. Sigurisht, në Arabinë Saudite gratë nuk mund të ngasin makinën ose të kenë një rol parësor në politikë, por ato munden pothuajse në çdo vend tjetër me shumicë myslimane. Vendet muslimane sulmohen për shkak të “ekstremizmit”. Megjithatë, me gjithë bisedat e politikanëve për luftimin e ekstremizmit, ne jemi aleatë të ngushtë me disa nga vetë vendet që i akuzojmë se mohojnë të drejtat e grave dhe promovojnë forma ekstreme dhe intolerante të fesë.

Përpara se të mendoni për rreth 50 vendet në botë që kanë një popullsi shumicë muslimane si një entitet monolit, bëni një hap prapa dhe shikoni diversitetin dhe kompleksitetin midis këtyre vendeve. Ekzistojnë kultura, raca, etni, histori, gjuhë, sisteme politike dhe faktorë socio-ekonomikë të ndryshëm që e bëjnë secilin prej këtyre vendeve unik dhe të dallueshëm nga tjetri. Jo të gjithë në Amerikë janë kauboj hipur në kalë dhe jo të gjithë në botën muslimane janë beduinë me deve.

rktheu[2]:

N. Ibrahimi