Zeri Islam

I nderuari Qerim! Veshja islame nuk është petk arab, por islame, fe qiellore, çfarë është edhe Judaizmi dhe Kristianizmi. Dhe nëse i hedh një shikim elementar këtyre tri feve do të vëresh se që të tri këto fe janë ademiste, ibrahimiane dhe pak dallojnë edhe në veshje. Kjo veshje ka qenë dominuese deri ne ditët tona, kur nën ndikimin e shekullarizmit feja përpiqet të largohet nga njerëzit, dhe Zoti të vërtetë të zëvendësohet me zota njerëzor, tokësor, siç do të thoshte dikush. Unë të njoh si shkrimtar, por nuk të njoh si studiues krahasimtar i feve dhe kulturave botërore dhe më mahnite me dijen tënde të shkollës jugosllave, tashmë të braktisur edhe nga vetë ata. Kështu që na del 'më katolikë se papa" (këtë frazë po e përdori jo në kontekstin negativ për besimtarët katolik). Këto ide tuajat zotëri Qerim i hasim ende vetëm në librat shkollor të shqiptarëve dhe ende në Kosovë dhe askund tjetër.

Ju shkruani se 'mbulimi i femrës në të vërtetë është një prej shenjave më manifestive të izolimit të saj" ... që ka rezultuar edhe prapambeturinë e femrës dhe të shoqërisë te ne. Ju si pasojë përmendni edhe 'dëmin e madh për imixhin tonë kombëtar, në një kohë kur terrorizmi islamik paraqet rrezik për botën e civilizuar dhe luftohet gjithandej si i tillë". I nderuar, ju me këto fjalë tregoni fanatizmin tuaj kundër islamit dhe mosnjohjen totale të ecjeve botërore. Ju keni ra në grackat e politkës ditore dhe keni pranuar çka servohet në mediumet botërore. Zotëri, kush po e prishka imixhin e Kosovës: një femër e mbuluar fetarisht, intelektuale, e ndershme, patriote apo lakuriqësia, lavirësia, narkomania, sida, që Perëndimi ia solli si dhuratë Kosovës për të hyrë në familjen e lakuriqëve, lavirëve, sidistëve, kurvarëve.

Partizanët tu në Berlin vepruan dëmshëm politikisht, dëmshëm moralisht, dëmshëm intelektualisht. Ata nuk njohin kulturën vetjake dhe sulmojnë atë, ata përpiqen ta mashtrojnë opinionin por dështuan tërësisht. Ata i përkrah vetëm ajo pjesë që është degjeneruar.

Islami nuk asimilioi askend zotëri i nderuar, e provë je edhe ti: je çfarë je! Provë është edhe Ibrahim Rugova: është katolik çfarë është. Provë është edhe ekzistimi i kishës katolike e ortodokse në zemër të një populli që janë me rreth 95 % muslimanë në gjithë tokat shqiptare, me liri kaq të mëdha. Paramendoje një veprim musliman sikur tëndin në Zagreb, Romë.