Njerëzit nuk duhet të definojnë vendet sipas besimit. Zoti Bush është kuptueshëm i shqetësuar me aktet terroriste të 11 shtatorit dhe mendoj se donte të rrëfente diçka miqësore për Shqipërinë, duke mos e njohur realitetin atje. Asnjeri nuk duhet të shoh diçka të këtillë të lidhur me integrimin në BE. Shqipëria prej shekujsh është vend europian, qytetarët e saj janë evropjanë – besimet e tyre fetare ndahen në muslimanë, ortodoks dhe katolik. Mesa di unë, shumë njerëz janë të pafe pas diktaturës së Enver Hoxhës, që ndaloi praktikat fetare totalisht. Në një të përditshme në Tiranë, një gazetar i bazuar në Bruksel deklaroi se një numër parlamentarësh evropjanë i kanë thënë atij se një nga arsyet pse Shqipëria nuk mund të bashkohet me BE-në, është anëtarësia e saj në Organizatën e Konferencës Islamike. Është e vërtetë që BE-ja është e pakënaqur me anëtarësinë e Shqipëriës në organizata si puna e OKI-së?
Unë nuk njoh ndonjë koleg, që mund të ketë përmendur diçka të këtillë. Në asnjë rezolutë të Parlamentit Evropjan nuk është përmendur diçka e këtillë. Mbaj mend që në fillim të viteve nëntëdhjetë presidenti Berisha kërkoi për anëtarësim në OKI. Por kjo nuk është ratifikuar asnjëherë në parlamentin shqiptar, dhe pjesëmarrja e zyrtarëve shqiptarë në takimet e tyre ka qënë e nivelit të ulët. Po përse duhet të mërzitemi ne? Shqipëria mund të shërbejë si një sy evropjan aty, për të ndihmuar ata të kuptojnë Evropën.
Ekziston një tendencë në mesin e disa qarqeve në Shqipëri që deklarojnë se një nga arsyet pse Evropa Perëndimore nuk e do integrimin e Shqipërisë në BE është trashëgimia jonë muslimane. A ka Komuniteti Evropjan ndonjë problem me 70% të shqiptarëve që janë muslimanë?
Jo. Kjo është absurde. Trashëgimia juaj është trashëgimia jonë gjithashtu. Dikush duhet të lexojë Kadarenë për të kuptuar dhe pëlqyer Shqipërinë. Anëtarësimi i Shqipërisë varet vetëm në arritjet e saj politike, në përmbushjen e të gjithë kushteve si çdo vend tjetër që kërkon të anëtarësohet në BE. E njëjta gjë vlen Bosnje dhe Herzegovinën, Serbinë, Malin e Zi, Kosovën dhe Maqedoninë.
Ndërsa sa për Turqinë, ka mendime në ndryshme në BE, për shumë arsye që nuk mund ti bisedojmë këtu.
Po mbi Islamin? A i sheh Bashkimi Evropjan muslimanët si të huaj, apo si pjesë e identitetit të tij të ri kulturor?
Siç them edhe më lartë, muslimanët evropjanë janë qytetarë si të gjithë besimtarët dhe jo besimtarët dhe kultura e tyre është një nga bazat e kulturës sonë evropjane.
Tashmë dihet nga të gjithë që në Shqipëri dhe Kosovë ekzistojnë institucione të korruptuara dhe krim i organizuar. Megjithatë ka një tendencë në mesin e disa qarqeve në Shqipëri dhe Kosovë të atribuojnë emrin e keq të shqiptarëve në Perëndim me identitetin tonë musliman dhe Islam. Është e vërtetë një gjë e këtillë?
Është e vërtetë që në Kosovë, në Shqipëri por edhe në disa vende të BE-së operojnë shumë organizata kriminale të lidhura me shqiptarët. Ky është fatkeqësisht një fakt dëshpërues që cënon imazhin e shqiptarit në përgjithësi. Por kjo nuk lidhet në asnjë mënyrë me identitetin fetar.
A është BE e shqetësuar për liritë dhe të drejtat fetare në Shqipëri dhe Kosovë?
Jo, aspak. Problemet tuaja qendrojnë gjetkë.
Cila është këshilla juaj që shqiptarët duhet të ndjekin për t’ju bashkuar BE-së?
Të ndalojnë luftërat e pafundme politike, të lehtësojnë dhe përmirësojnë jetën e qytetarit të thjeshtë, të ndjekin rregullat që Shqipëria pranoi kur nënshkroi Paktin e Stabilizim Asocimit – që do të thotë ta implementojnë atë – të luftojnë rrjetet kriminale, ti japin qytetarëve të paktën një kartë identiteti etj.
Intervistoi: Olsi Jazexhi
08 qershor 2007
Shfletuesi i Kur'anit
Lajme